محاوره بين الشاعر ضيدان وطيره

[سماوي3]

يسعد مساكم
(((اعجبتني فنقلتها لكم)))

هذي قصيده محاوره للشاعر
ضيدان بن قضعان
وهي عن شرائه لطير حر اسمه دهام وقام بتغيير
اسم الطير إلى فواز ((وهو اسم من بنت)) اعجبة الشاعر ضيدان
ولم يعجب الطير اسمه الجديد وبدئت المحاوره بينهم
ناداه بأسمه الجديد فواز فواز ....



فالتفت الطير على ضيدان وقال له :





ضيدان أنا أسمي دهام ما هوب فواز
أما أدعني يـا دهـام ولا بلاشـي
ما هوب حق تغير أسمي بلا أرمـاز
وأنا عذاب الخرب لا أقبلت حاشـي






فرد عليه ضيدان قائلاً :





لعيون بعض الناس سميت فواز
أسم يشابه لاسم صعب المناشي
اللي غلاه بثومة القلب حـزاز
تقبل له ظعوني وتقفي عطاشي






فرد الطير :





ما أرضى تسميني عليها ولا جاز
تغيير الإسم إلا بذبـح الكباشـي
إذبح تميمه وأقلب الإسم فـواز
إذا ذبحت الكبش ما صار ماشي




فرد ضيدان :





قلت فواز تكفى فكني بالتلعـواز
الحل عندي وأسمع العلم كاشـي
لازم تشوف اللي لها القلب ينحاز
عقب (ن) تجي فواز ولا شلاشي





فردالطير :




يالله مشينا والعمـر يبغـي إنجـاز
يا ما نجـز بالهـدي ولا عراشـي
قم جهز اللـي ذاخرينـه وممتـاز
وعلي الطلاق إن عزبته من معاشي





وعند وصولهم رفع البرقع عن الطير وقال هذي الي سميتك عليها

فرد الطير:






أنا أشهد إني يابن قضعـان فـواز
واني بعد فـواز جانـي خراشـي
ياحظ قلبك يوم فـي حبهـا حـاز
كحيلـة مـا عاشـرة كـل لاشـي
ياليتني رجلٍ لـو أمشـي بمعكـاز
وأنخاك وأنخى مبعديـن المعاشـي
وأنهض لطيف الروح وأجلا لشيراز
وأقضي بقايا العمر ما أحتر جاشي
في شرع أبن حنبل بتأكيد ابن بـاز
معروف راعي الحب قلبه هشاشـي
وأنا لوصل ملـوع الشيـخ معتـاز
أعوز من فراق السبوق الرواشـي
أبـا أتمنـى والتمنـي بـه الغـاز
ياليـت جنحانـي لخلـك فراشـي
أو ليتني بيجر على الورك هـزاز
ولا قلم بيـن الجسـد والقماشـي






تقبلو تحياتي ،،،،

واتمنى انها اعجبكم ،،،


ودمتم بود ،،،،،،،،

[العنود]

يعطيك العافيه
ننتظر جديدك

[صريح]

والله ابداع ضيدان بن قضعان
ويعطيك العافيه على النقل المميز

[عزوز]

العنود الله يعافيك



مشكور اخوي صريح والله يعافيك